Eguraldi bikainaz eta ikusle kopuru handiarekin hasi zen Ñañarriko Rallysprinta larunbatean, Alegia eta Amezketa lotzen dituen errepideak osatu zuen ibilbidea. Aingeru eta Angel Castro izan ziren garaileak bertan BMW M3 kotxearekin

Hala ere, egunean zehar azkarrenak Iñigo Olabegogeaskoetxea eta Iñaki Narbaizak osatutako taldea izan zen ibilbidea 3 alditan osatu eta gero.Baina azkenengo mangan helmuga pasatu ondoren, bere BMW M3an izandako arazo mekaniko baten ondorioz, ezin izan zuen parke itxira ailegatu eta erretiratu beharra izan zuen.

Honen ondorioz,  Aingeru eta Angel Castro pasa ziren sailkapeneko lehenengo postura garaipena lortuz. Olabegogeaskoetxearekin lehia oso estua izan zuten eta 2 segunduko aldearekin bukatu zuten rallysprinta. Bigarren postuan Jon Davoz eta Vicky Gorriz saikatu ziren Mitsubishi Evo IX kotxearekin eta podiuma osatuz hirugarrenak, Mattin Villares eta Andoni Blas osatutako taldea Renault Clio Sport baten gainean.

Zeberion izan da, aurtengo lurgaineko open berriaren abiapuntua. Euskadiko, Nafarroako, Errioxako eta Kantabriako automobilismo federakuntzek antolatutako txapelketak, 8 lasterketa izango ditu urtean zehar 4 probintzietan banaturik.

Igandean Zeberion izan zen estreinekoa eta bertan, Aritz Iriondo eta Aitor Zubiaurren izan ziren irabazleak. Ibilbidea orain dela 2 urte egin zen berdina izan zen, baina oraingo honetan zorua bustita eta lokaztua aurkitu zuten partaideek. Hala ere, kondizio onetan zegoen proba normaltasunez jokatzeko, antolatzaileek bertan lan ikaragarria egin ostean mantenu lanetan.

Lasterketa, hasieratik Javier Izagirrek dominatu zuen bere Mitsubishi autoaz, 4 txandetan denborarik azkarrenak lortuz. Baina kontrol-ordutegi batean aurreratzeagatik jaso zuen penalizazioaren ondorioz, postu asko galdu zituen sailkapenean eta honek Aritz Iriondori eman zion garaipena. Bere atzetik Iñaki Tijera sailkatu zen eta honen atzetik podiuma osatuz 3. postuan Xabier Jareño.

Hondarribian jokatu zen rallysprint txapelketako bigarren hitzordua. Bertan Gorka Eizmendi eta Haritz Olasagastik osatutako taldea izan zen garaile.

Nahiz eta eguna nahiko argitsua izan eguerdi partean, lasterketa aurrera joan ahala lainotu egin zen eta euri tanta batzuk bota zituen, ibilbideko tarte batzuk nahiko labaingarriak utziz.

Lehenengo erlojupekoan  denbora onena Gorka Eizmendik eta  Iban Tarsiciok lortu zuten, lehen postuan berdinduz, denbora berdina egin baitzuten bi pilotuak. Bi hauen atzetik, Mattin Villares kokatu zen segundu bakar batera.

Bigarren tramuan David Ardionsek izandako istripuaren ondorioz, errepidea blokeatuta gelditu zen eta atzetik zetozen partaideak neutralizatuta bukatu behar izan zuten ibilbidea. Hauen artean lehenengo postuan berdinduta zeuden bi pilotuak zirelarik. Kasu honetan Aingeru Castrok lortu zuen denbora onena.

Honela azkeneko erlojupekora berdinduta ailegatu ziren Eizmendi eta Tarsicio, eta bertan Eizmendik lortu zuen azkarrena izatea, Tarsiciori 5 segunduko aldea ateraz sailkapen nagusian. Podiuma osatuz 3. postuan Ander Arana sailkatu zen.

Pasa den igandean hasi zen Euskadiko automobilismo denboraldia Gabiriako Rallysprintarekin, urtero ohikoa izaten den moduan. Giro paregabearekin hasi ere, eguraldi bikaina egin zuen  eta ikusle ugari bildu ziren probaren ibilbidean.
Lasterketa politaz gozatzeko aukera izan genuen zaletuok bertan, sailkapeneko lehen postuetan  lehia bizia izan baitzen.

Proba osoan zehar beraien arteko segundu diferentziak oso txikiak izan ziren eta azkeneko tramu-arte garaipena ez zen erabaki .

David Ardions eta Josu Agirre oñatiarrek osatzen duten taldea izan zen Gabiriako Rallysprintaren irabazlea azkenik. Lehenengo tramuan denbora onena lortu eta sailkapenaren buruan jarri ziren hasieratik,  bere atzetik Jon Davoz eta Iban Tarsicio gertutik jarraitzen zituztelarik.

2. bueltan, gehiago estutu zen sailkapena. Oñatiarrek helmugara heltzeko metro gutxiren faltan, arazo mekaniko bat izan zuten eta segundu bakar batzuk galdu zituzten. Joxe Labaka azpeitiarra izan zen azkarrena oraingoan eta rallysprintaren azkeneko txanpa falta zela, sailkapeneko lehenengo 4 taldeak, 1,8 segunduko aldeaz zeuden bananduta bakarrik.

Beraz, azkeneko txanpa honetan zegoen dena jokoan, garaipena eta podiumeko postuak. Azkeneko honetan David Ardionsek haginak estutu zituen eta azkarrena izatea lortu zuen berriz ere, oraingo honetan bere denbora onena 6 segundutan hobetuz. Joxe Labaka izan zen bigarren eta sailkapen nagusian ere bigarren postura egin zuen salto. Podiuma osatuz, 3. postuan Iban Tarsicio sailkatu zen.

Lasterketa azkarra izan zen, ez zen egon aparteko arazorik ez istripurik eta sekula baina goizago bukatu zen dena.